Кенгаш мажлислар оралиғида жорий масалаларни ҳал этиш учун таркибидан раёсатни (кейинги ўринларда «Кенгаш раёсати» деб аталади) сайлайди. Кенгаш раёсати таркибига кенгаш раиси, унинг ўринбосари, Кенгаш томонидан сайланган бошқа аъзолар киради. Кенгаш раёсати мажлислари заруратга қараб, лекин ҳар чоракда камида бир маротаба ўтказилади.

Кенгаш Раёсати:

– Касаба уюшмаларининг мулкдор ёки улар вакил қилган бошқарув идораси меҳнат ва касаба уюшмалари тўғрисидаги қонунларга риоя этишларини назорат этиш борасидаги фаолиятини ташкил этади ва ҳудуд бўйича мувофиқлаштириб боради;
– Кенгашга янги ташкилотларни аъзоликка қабул қилиш, шунингдек аъзоликдан чиқариш масалаларини олдиндан кўриб чиқади ҳамда Кенгаш мажлисига тақдим қилади;
– Кенгаш мажлисини чақиради, уни кун тартиби ва ўтказиш жойи юзасидан таклифлар киритади, муҳокама қилинаётган масалаларга оид материалларни тақдим этади, Федерация ва Бирлашма органлари қарорларининг бажарилиши ва назоратини ташкил қилади;
– Кенгаш раиси ўринбосарини лавозимидан озод қилиш тўғрисида таклиф киритади, шунингдек айрим (шу жумладан, лавозимидан озод этиш ҳақида ариза берган, саломатлиги туфайли ўз вазифаларини бажара олмаган) ҳолларда Кенгаш мажлислари оралиғида уларни лавозимидан озод қилади ва  Кенгаш мажлиси тасдиғига киритади;
– Кенгашга аъзо ташкилотларнинг сайлаб қўйиладиган раҳбарлик лавозимларига номзодларни таклиф қилиши мумкин;
– Ҳар йили ўз фаолияти тўғрисида  Кенгашга ахборот беради;
– Кенгаш ва аъзо ташкилотларнинг мулки (бинолар ва иншоотлар) реестрини тасдиқлайди;
–  Кенгаш мажлислари оралиғида Кенгаш мулкига эгалик қилиш, фойдаланиш, тасарруф этиш масалалари юзасидан қарорлар қабул қилади ва кейинчалик  Кенгаш тасдиғига киритади;
– Кенгашнинг молиявий-хўжалик фаолиятини амалга оширади. Федерания Кенгаши Ижроия қўмитаси билан келишган ҳолда  Кенгашнинг касаба уюшмаси ижтимоий суғурта бюджети бўйича даромадлар ва харажатлар сметасини. мазкур бюджетлар ҳисобидан санаторийларга йўлланмаларни тақсимлаш режасини тасдиқлайди;
– Ҳудуддаги касаба уюшмалари ташкилотларига касаба уюшмалари ва бошқа тизимдаги санаторийларга йўлланмалар беради ҳамда болалар оромгоҳларини молиялаштириш масалаларини ҳал этади;