«Биз бу кунларни 34 йил кутдик» – президент миллий жамоа аъзолари билан учрашувда

Шавкат Мирзиёев футболчилар билан учрашувда мундиал йўлланмаси қўлга киритилган куни кўзига уйқу келмагани, барча ўзбекистонликлар каби ич-ичидан қувониб, байрам қилгани ҳақида гапирди.

Шунингдек, футболчилар аллақачон тарих яратиб бўлгани таъкидланган.

Олдингизда турган муҳим учрашувларда ортиқча босимсиз, ҳеч кимдан ҳайиқмасдан, борингизни бериб ўйнанг. Ҳар бир тўп, ҳар бир вазият, майдоннинг ҳар бир қаричи учун охиригача курашинг! Мундиалдаги барча ўйинларингизда фан-клублар аъзолари, минглаб футбол мухлислари, Америкадаги ватандошларимиз ҳам стадиондан сизларни қўллаб-қувватлаб туради, деган давлат раҳбари.