Yaxshi sayohat – mehnatga rag‘bat

«Yashil makon» umummilliy loyihasi doirasida Farg‘ona viloyati hududlarida ko‘chat ekish, ko‘kalamzorlashtirish va obodonlashtirishga doir tadbirlar jadallik bilan olib borilmoqda.

Ushbu tadbirlar ko‘lamini kengaytirish maqsadida o‘z hududlari obodligi yo‘lida jonbozlik ko‘rsatayotgan mehnatkashlarni rag‘batlantirish maqsadida O‘zbekiston kasaba uyushmalari Federatsiyasining Farg‘ona viloyati kengashi tomonidan Farg‘ona-Xorazm-Farg‘ona yo‘nalishi bo‘ylab sayohatga yuborildi.

Toshloq va Quva tumani hokimliklari obodonlashtirish boshqarmalarining xodimlari va bir guruh boshqa sohada mehnat qilayotgan jami 54 nafar xodimlar Xorazmdagi osmon ostidagi muzeyning qadimiy obidalari, mustaqillik yillarida amalga oshirilgan bunyodkorlik ishlari bilan tanishadilar.

Gʻanisher Payziyev,
O‘zbekiston kasaba uyushmalari Federatsiyasi Farg‘ona viloyati kengashi Madaniy-ma’rifiy va sport ishlari bo‘limi mudiri.