Ular donor bo‘lishdi

O‘zbekiston kasaba uyushmalari Federatsiyasining Farg‘ona viloyati kengashi hamda Sog‘liqni saqlash xodimlari kasaba uyushmasi Farg‘ona viloyati kengashi hamkorligida Farg‘ona viloyati qon quyish markazida «Men donorman» shiori ostida qon topshirish aksiyasi o‘tkazildi.

Aksiyada kasaba uyushmalari a’zolari, tibbiyot xodimlari, yoshlar hamda fuqarolar o‘z ixtiyori bilan savobli ishga qo‘l urib, donorga aylandilar.

Donorlik nafaqat qon oluvchi, balki qon beruvchining salomatligi uchun ham foydali hisoblanadi.

Aksiya doirasida donorlik qilib, o‘zgalarga ko‘mak bergan yurtdoshlarimizga tashkilotchilar tomonidan esdalik sovg‘alari topshirildi.

O‘zbekiston kasaba uyushmalari Federatsiyasining Farg‘ona viloyati Kengashi.