Ёшлар ўртасида «Камондан отиш» мусобақаси ўтказилди

Қувасой шаҳридаги «Водий гавҳари» оромгоҳида дам олувчи болаларнинг бўш вақтини мазмунли ўтказиш  мақсадида вилоят Қўриқлаш бўлими томонидан «Камондан отиш» спорт тури бўйича мусобақа ўтказилди.

Мусобақага оромгоҳда дам олаётган 12-14 ёшли дам олувчилар иштирок этиб, мерганликларини яна бир бор намоён этдилар.

Мусобақа ғолиблари Ўзбекистон Республикаси Миллий гвардияси Фарғона вилояти Қўриқлаш бошқармаси бошлиғи ўринбосари ҳамда Қувасой шаҳар бўлими бошлиқлари томонидан Фахрий ёрлиқ ва эсдалик совғалар билан тақдирландилар.