8-март “Халқаро хотин-қизлар куни” муносабати билан жойларда маданий-маърифий ва спорт тадбирлари давом этмокда

8-март “Халқаро хотин-қизлар куни” байрами муносабати тармоқ тизимидаги корхона, ташкилот ва муассасаларда “Аёл борки олам мунаввар”, “Аёллари қадр топган юрт”, “Сен барибир Муқаддассан, муқаддас аёл”, “Қизлар давраси” номли маданий-маърифий ва спорт тадбирлари ўтказилди.“Қува Текстил” масъулияти чеклаган жамиятида 8-март «Халқаро хотин- қизлар» куни байрами муносабати билан «Қизлар Давраси» кўрик-танлови бўлиб ўтди.Кўрик танлов иштирокчилари 5 та шарт бўйича беллашиб, ўз касбига бўлган қизиқиши, иқтидор ва қобилияти, пазандачилик махоратлари хамда сахна кўринишларини намойиш этдилар. Иштирокчилар хар бир шарт бўйича хакамлар хайати томонидан бахолаб борилди.Қизғин бахслардан сўнг  биринчи ўрин энг зукко ва ўз касбини устаси бўлган тукувчи Хабибуллаева Умидахон Хамидулло қизига, иккинчи ўрин йигирувчи Каримова Одина Дилшоджон қизига, учинчи ўрин лаборант бўлиб ишловчи Исроилова Гулшаной Икромжон қизига насиб этди. Ғолиблар қимматбахо совғалар билан тақдирланди. 

Акциядорлик жамияти шаклидаги “Бешариқ Текстил” қўшма корхонасида “Аёл борки олам мунаввар” шиори остида 2018 йил 7 март куни байрам муносабати билан маданий-маърифий тадбирлар ва хотин-қизлар ўртасида спортнинг “Волейбол” тури бўйича спорт мусобақаси ўтказилди. Корхонада ишловчи хотин-қизларга эсдалик совғалари берилди.Фарғона шахар маиший хизмат ва педагогика коллежида хам байрам кўтарингки рухда ўтказилди. “Сен барибир Муқаддассан, муқаддас аёл” мавзусида маданий-маърифий ва спорт тадбирлари ташкил этилиб, коллежнинг 850 нафардан зиёд ўқитувчи ва ўқувчилари, мехнат фахрийлари иштирок этдилар. Тадбирда мусиқали чиқишлар, ўқувчилар томонидан тайёрланган сахна кўринишлари намойиш этилди, Байрам муносабати билан аёллар ва ўқувчи қизлар ўртасида спортнинг арқон тортиш, волейбол, бадминтон турлари бўйича спорт мусобақалари ўтказилди. Ғолиблар эсдалик совғалар билан такдирланди.

Байрам тадбирлари «Индорама Қўқон Текстил» қўшма корхонаси, “DAEWOO TEXTILE” МЧЖ шаклидаги чет эл корхонаси, А.Акбарали МЧЖ, ободонлаштириш бошқармаларида, тармоқ тизимидаги касб-хунар коллежлари хамда бир қатор корхона ва ташкилотларда хам кенг нишонланди.