54 nafar tibbiyot sohasining ayollari “Zarkent” sihatgohiga dam olish uchun yuborildi

Davlatimiz rahbarining “Oilalarni mustahkamlash va xotin-qizlarning faolligini oshirish bo‘yicha qo‘shimcha chora-tadbirlar to‘g‘risida”gi Qarori bilan tasdiqlangan “Oilalarni mustahkamlash, xotin-qizlarning qonuniy manfaatlarini ro‘yobga chiqarish, ijtimoiy-siyosiy faolligini va bandligini oshirish, tadbirkorlik ko‘nikmalarini shakllantirish hamda teng huquqliligini ta’minlash bo‘yicha “Yo‘l xaritasi”da belgilangan vazifalar ijrosini ta’minlash maqsadida amaliy ishlar olib borilmoqda.

Xususan, bugun kunning ikkinchi yarmida 54 nafar tibbiyot sohasi vakillari “Zarkent” sihatgohiga o‘z salomatliklarini tiklashlari uchun imtiyozli ravishda yuborildi.

Ayollar O‘zbekiston kasaba uyushmalari Federatsiyasining Farg‘ona viloyati Kengashi hamda sog‘liqni saqlash xodimlari kasaba uyushmasi viloyat kengashi mas’ullari tomonidan sayoxatga kuzatib qo‘yildi.