500 nafar Yo‘lsozlar so‘lim go‘shada dam olmoqda

Transport, yo‘l va kapital qurilish, qurilish industriyasi xodimlari kasaba uyushmasi Farg‘ona viloyati kengashi tomonidan tarmoq a’zolari turli so‘lim go‘shalarda dam oldirilmoqda.

Bu gal 500 nafar tuman-shaharlardagi yo‘lsozlar Farg‘onaning ajoyib maskanlaridan biri bo‘lgan Ahmad al-Farg‘oniy dam olish uyida hordiq chiqarmoqdalar. Yo‘lsozlar bu yerda dam olish bilan birga, turli muolajalarni olib salomatliklarini ham mustahkamlamoqdalar.

Sportga oshno dam oluvchilar o‘rtasida esa suzish, stol tennisi, futbol musobaqalari tashkil etildi.

Gʻoliblarga tarmoq kasaba uyushmasining esdalik sovg‘alari tuhfa etildi.

Zohidjon QODIROV,
Transport, yo‘l va kapital qurilish,
qurilish industriyasi xodimlari kasaba uyushmasi Farg‘ona viloyati kengashi raisi.