Mahallalar uyushmalari rahbarlari ishtirokida seminar tashkil etildi

Bugun Tashqi Migratsiyada yurgan fuqarolarni qo‘llab-quvvatlash bo‘yicha viloyat shtabida tuman-shahar mahallalar uyushmalari rahbarlari hamda mutaxassislari ishtirokida seminar tashkil etildi.

Unda O‘zbekiston kasaba uyushmalari Federatsiyasining viloyat Kengashi raisi E.Nuraliyev hamda Tashqi Migratsiyada yurgan fuqarolarni qo‘llab-quvvatlash bo‘yicha viloyat shtabi rahbari o‘rinbosari U.Hamidovlar tashqi migratsiyada yurgan fuqarolarni qo‘llab-quvvatlash, ularning muammolarini o‘rganish va hal etish hamda tashqi migratsiyadan qaytgan fuqarolarni ish bilan ta’minlash masalasi bo‘yicha so‘z yuritdilar.

Shuningdek, mahallalardagi Ishchi guruhi uyma-uy yurgan holda ayni paytda xorijda yurgan fuqarolarning xonadoniga borib, ularning oila a’zolari ishtirokida anketa so‘rovnomalarni to‘ldirish ishlarini to‘g‘ri tashkil etish yuzasidan tushuntirishlar berildi.

O‘zbekiston kasaba uyushmalari Federatsiyasining Farg‘ona viloyati Kengashi.