Ёзёвонда бахмал тўқиш бўйича кооперация ташкил этилди

Туманнинг «Қорасоқол» маҳалла фуқаролар йиғинида «Аёллар дафтари»да турувчи ишсиз хотин-қизларнинг бандлигини таъминлаш бўйича МФЙ ҳудудида жойлашган, фойдаланилмаётган норасмий масжид биносида «Аъло бахмал» кооперацияси ташкил этилди.

Тадбиркор Тилаволди Маскоповга мазкур бино вақтинчалик фойдаланишга олиб берилди ҳамда 15 нафар хотин-қизлар бахмал тўқиш бўйича ишларни бошлаб юбордилар.

Бундан ташқари, кооперацияда бахмал тўқиш бўйича ўқув курслари ҳам ташкил этилиб, мутахассислар томонидан бахмал тўқишни ўрганиш истагида бўлган хотин-қизларга маҳорат дарслари ўтказилмоқда.