Диққатга сазовор жойларга саёхат

11 ноябрь – Ўзбекистон касаба уюшмалари куни муносабати билан Ўзбекистон тадбиркорлик, бизнес ва хизмат кўрсатиш сохалари ходимлари касаба уюшмаси Республика кенгашининг вилоятдаги масъул ташкилотчиси Муқаддас Абдуллаева ташаббуси билан тизимдаги корхона ва ташкилотларда ишловчи бир гуруҳ касаба уюшмаси фаолларининг Наманган вилоятининг Наманган шаҳридаги «Афсоналар водийси» ҳамда «Бобур» боғига саёхати ташкил этилди.

Шунингдек, Ўзбекистон таълим ва фан ходимлари касаба уюшмаси Республика кенгашининг Фарғона вилояти бўйича масъул ташкилотчиси Лолахон Аҳмедова ташаббуси билан Таълим ва фан ходимлари касаба уюшмаси туман-шаҳар бошланғич касаба уюшма ташкилотларининг бир гуруҳ ходимларининг Самарканд шаҳрига саёхати уюштирилди.