Болаларга шодлик улашилди

Ўзбекистон касаба уюшмалари Федерациясининг Фарғона вилояти кенгаши томонидан 1 июнь – Халқаро болаларни ҳимоя қилиш куни муносабати билан вилоят марказидаги Аҳмад ал-Фарғоний номли истирохат боғида байрам тадбири ташкил этилди.

“Янги Ўзбекистоннинг бахтиёр болалари” шиори остида ўтказилган тадбирда вилоят туман-шаҳарларидан 100 нафар ногиронлиги бўлган ёшлар иштирок этди.

Уларнинг ширинликлар, салқин ичимликлар ҳамда музқаймоқлар билан сийлангани ёшларга янада байрам кайфиятини улашди.