«Zakovat» Intellektual o‘yinining viloyat bosqichi o‘tkazildi

Farg‘ona viloyatidagi Metallurgiya va mashinasozlik sanoati xodimlari kasaba uyushmasi tasarrufidagi korxona va tashkilotlarning ishchi-xodimlari o‘rtasida «Zakovat» Intellektual o‘yinining viloyat bosqichi o‘tkazildi.

Mehnat jamoalarida iqtidorli yoshlarni aniqlash, ularning intellektual salohiyatini yuksaltirish, mantiqiy fikrlash doirasi va dunyoqarashini kengaytirish, shu bilan birga, bo‘sh vaqtlarini mazmunli o‘tkazishlari maqsadida tashkil etilgan “Zakovat” intellektual o‘yini haqiqiy bilimlar bellashuviga aylandi.

Yakunda 1-o‘rin “UzSANWOO” jamoasiga, 2-o‘rin Marg‘ilon mexanika zavodiga, 3-o‘rin esa “Soy bo‘yi” jamoasiga nasib etdi.

Gʻolib va faol ishtirok etgan jamoalarga O‘zbekiston metallurgiya va mashinasozlik sanoati tarmoqlari xodimlari kasaba uyushmasi Farg‘ona viloyat kengashi tomonidan esdalik sovg‘alari topshirildi.