“UZSUNGWOO” қўшма корхонасида жамоа шартномаси якуни

2019 йилнинг 26 март куни маъсулияти чекланган жамият шаклидаги “UZSUNGWOO” Ўзбекистон-Корея қўшма корхонаси меҳнат жамоасининг умумий йиғилиши бўлиб ўтди. Йиғилишда 2016-2018 йилларга тузилган жамоа шартномасининг 2018 йилда бажарилиши якунлари, 2019-2021 йиллар учун янги жамоа шартномаси лойиҳасини муҳокама қилиш масалалари кўриб чиқилди. Корхонада 2016-2018 йилларга тузилган жамоа шартномаси орқали 548 нафар ходимларнинг ижтимоий-иқтисодий, маданий-маърифий ҳамда ҳуқуқий манфаатлари ҳимоя қилинди. Йиғилишда 2016-2018 йилларга тузилган жамоа шартномасининг 2018 йилда бажарилиши қониқарли деб баҳоланди. Корхона меҳнат жамоаси янги 2019-2021 йилларга мўлжалланган жамоа шартномаси лойиҳасини маъқуллади. Йиғилишда Ўзбекистон касаба уюшмалари Федерацияси Кенгаши ва Фарғона вилояти касаба уюшмалари ташкилотлари бирлашмаси Кенгаши масъул ходимлари иштирок этдилар.