“Тўмарис авлодлари” кўрик-танлови ғолиблари тақдирланди

Фарғона шахрида жойлашган чегара қўшинларига қарашли 9114-сонли ҳарбий қисм ҳамда Давлат муассасалари ва жамоат хизмати ходимлари касаба уюшмаси Фарғона шаҳар кенгаши билан ҳамкорликда тузилган тадбирлар режасига асосан жорий йилнинг 1 февраль куни “Тўмарис авлодлари” кўрик-танлови ўтказилди. Кўрик танловда ҳарбий қисмда хизмат олиб бораётган 7 нафар муддатли ҳарбий хизматчи аёллар саф тайёргарлиги, таништирув, билимдонлик, мерганлик, пазандалик, эркин мавзу, миллий рақс шартлари бўйича ўзаро беллашдилар.Кўрик-танловда фахрли 1-ўринни 9114-сонли ҳарбий қисм кичик сержанти Г.Икрамова қўлга киритди. 2-ўринни 9250-сонли ҳарбий қисм оддий аскари Н.Мамасиддиқова эгаллаган бўлса, 3-ўрин 9223-сонли ҳарбий қисм кичик сержанти Ш.Мухаммадлатиповага насиб қилди. Ғолиблар касаба уюшмалари ва хамкор ташкилотлар томонидан қимматбахо совғалар билан тақдирланиб, танловнинг республика босқичида иштирок этиш йўлланмасини қўлга киритди.