Soliq xizmati organlarida mehnat qilayotgan ayollarga ehtirom ko‘rsatildi

Xalqaro xotin-qizlar bayrami munosabati bilan Farg‘ona viloyati soliq boshqarmasi ma’muriyati hamda boshlang‘ich kasaba uyushma qo‘mitasi tomonidan tizimda mehnat qilayotgan ayollar uchun bayram tadbiri tashkil etildi.

Tadbirda so‘zga chiqqan boshqarma boshlig‘ining birinchi o‘rinbosari A.Botiraliyev barcha xodimalarga fidokorona xizmatlari uchun samimiy minnatdorchilik izhor etib, ularning ishtirokisiz soliq tizimining samarali faoliyatini tasavvur qilish qiyinligini ta’kidladi.

Tadbirda barcha ayollarga ehtirom ko‘rsatilib, esdalik sovg‘alari topshirildi.

O‘zbekiston kasaba uyushmalari Federatsiyasining Farg‘ona viloyati Kengashi