Шифокорлар футбол майдонида

Жорий йилнинг 10-15 октябрь кунлари куни Самарқанд шаҳрида шифокорлар ўртасида футбол мусобақаси бўлиб ўтди. Республика босқичига йўлланма олган Республика Шошилинч тиббий ёрдам илмий маркази Фарғона филиали, Фарғона вилоят болалар кўп тармоқли тиббиёт маркази, Фарғона шаҳар 1-сонли шифохона, Қува тумани, Бувайда тумани, Фарғона тумани ҳамда Марғилон шаҳар тиббиёт бирлашмасида иш фаолиятни олиб бораётган шифокорлардан ташкил топган “Фарғона” терма жамоаси мусабақанинг Республика босқичида фаол иштирок этиб, вилоят шанини ҳимоя қилдилар. Жамоамиз Нукус ҳамда Қарши жамоасини енгиб ярим финалга йўлланма олдилар, ярим финалда Наманган вилояти билан ўйнаб финал босқичига чиқдилар. Муросасиз кечган бахсларда “Фарғона” жамоаси 3-ўринни эгалладилар. 5 кун давом этган спорт мусобақаси давомида Самарқанд шаҳрининг диққатга сазовор қадамжоларига, тарихий обидаларга саёхат уюштирилди. 2019-йилнинг 1-чорагида бўлиб ўтадиган Тошкентда Хамдўстлик давлатлари, Европа ва Осиё давлатлари шифокорлари жамоалари ўртасида футбол бўйича “Хамдўстлик кубоги” ҳамда Мексиканинг Канкун шаҳрида шифокорлар жамоалари ўртасида ўтказиладиган футбол бўйича жахон Чемпионатида Ўзбекистон шифокорлар терма жамоасига “Фарғона” жамоасидан 9-нафар футболчилар қабул қилинди.Футболчилар 15-октябрь куни Фарғона шаҳрига етиб келдилар, уларни Вилоят Соғлиқни сақлаш бошқармаси бошлиғи О.Умаров муносиб кутиб олди. Ғолиблар Соғлиқни сақлаш ходимлари касаба уюшмаси Фарғона шаҳар бирлашган қўмитаси томонидан эсдалик совғалар, дипломлар билан тақдирландилар.