САЛОМАТЛИГИМИЗ ПОСБОНЛАРИ ЭЪЗОЗДА!

12-май Халқаро Ҳамширалар куни муносабати билан Соғлиқни сақлаш ходимлари касаба уюшмаси томонидан вилоятнинг энг фаол, жонкуяр ҳамширалари учун Тошкент шаҳридаги “Алишер навоий номли киночилар саройи”да “Саломатлик – инсон ҳуқуқи, уни таъминлашда ҳамшираларнинг ўрни ва истиқболи” мавзусида амалий анжуман ва байрам тадбири бўлиб ўтди. Фарғона вилоятидан ташриф буюрган 130 нафар ҳамширалардан 2 нафари “Соғлиқни сақлаш аълочиси” кўкрак нишони билан, 2-нафари Соғлиқни сақлаш вазирлигининг фахрий ёрлиғи билан, 2-нафари Соғлиқни сақлаш ходимлари касаба уюшмаси Республика кенгашининг фахрий ёрлиғи ҳамда қимматбахо эсдалик совғалари билан тақдирландилар. 3 кун давом этган анжуман байрам тадбирига уланиб кетди. Республикамизнинг хушовоз хонандалари иштирокида маданий концертлар ташкил қилинди. “Касаба Сайр” шўъба корхонаси томонидан Тошкент шаҳрининг диққатга сазовор қадамжоларига саёхатлар уюштирилди.