QO‘SHTEPALIK USTOZLAR «KASABA UYUSHMASI KUBOGI» SOHIBI BO‘LDI

Bugun, 15 may kuni viloyatimizdagi “Samo” sport majmuasida Maktabgacha va maktab ta’limi vazirligi, O‘zbekiston Kasaba uyushmalari Federatsiyasi, O‘zbekiston Respublikasi sport vazirligi, hamkorligida tashkil etilgan «Kasaba uyushmasi kubogi» sport musobaqalarining viloyat bosqichi ko‘tarinki kayfiyatda o‘tkazildi.

Sport musobaqalarida so‘z olgan O‘zbekiston Kasaba uyushmalari Federatsiyasi Farg‘ona viloyati Kengashi raisi o‘rinbosari Orzigul Qozixonova, Maktabgacha va maktab ta’limi boshqarmasi boshlig‘i Sherzod Dolimov, viloyat sport boshqarmasi boshlig‘i Nodirbek Hakimovlar sportchi ustozlarning kelgusi ishlariga muvaffaqqiyatlar tiladilar.

Ishtirokchilar sportning mini-futbol, shaxmat, shashka, stol tennisi va voleybol turlari bo‘yicha sport sevar o‘qituvchi va murabbiylar, maktabgacha ta’lim muassasalari xodimlari o‘zaro kuch sinashdilar.

Qizg‘in va murosasiz kechgan musobaqa yakuniga ko‘ra, «Kasaba uyushmasi kubogi» eng yuqori ko‘rsatkichni qo‘lga kiritgan Qo‘shtepa tumani ustozlariga nasib etdi. Ularga 30 million so‘m pul mukofoti va medal, diplom, qimmatbaho esdalik sovg‘alari tantanali ravishda topshirildi.

O‘zbekiston kasaba uyushmalari Federatsiyasining Farg‘ona viloyati Kengashi