Qadrnoma va faxriy yorliklar topshirildi

O‘zbekiston Sog‘liqni saqlash xodimlari kasaba uyushmasi Respublika Kengashi tomonidan 9 may – xotira va qadrlash kuni munosabati bilan «Barcha harakatlarimiz – Inson uchun» aksiyasi o‘tkazilmoqda.

Unda sohada ko‘p yillar ishlagan, aholi salomatligi yo‘lida o‘z jonlarini fido etgan soha xodimlari uchun tayyorlangan Respublika Kengashining Yodnomasi, shuningdek, sohada ko‘p yillar fidokorona mehnat qilib, hozirda nafaqada bo‘lgan mehnat faxriylari, kasaba uyushma faollarinining ko‘p yillik samarali mehnatlarini qadrlab, e’tirof etish maqsadida tayyorlangan qadrnoma va faxriy yorliklari hamda sovg‘alari Farg‘ona viloyatining uzoq tumanlari So‘x, Rishton va Farg‘ona tumanlaridagi Cho‘ng‘ara, Xalmiyon hamda Shoximardon MFY hududlarida yashab o‘tganlarning oila a’zolariga hamda hozirda nafaqada bo‘lgan soha xodimlariga yetkazildi.