Farg‘onadagi “Kasaba uyushma bog‘i”ga 2500 tupga yaqin ko‘chatlar o‘tqazildi

Davlatimiz rahbarining bevosita tashabbusi bilan hayotga tatbiq etilayotgan «Yashil makon» umummilliy loyihasida barcha yurtdoshlarimiz faol ishtirok etishmoqda.

O‘zbekiston kasaba uyushmalari Federatsiyasi Farg‘ona viloyati kengashi ham mazkur xayrli tashabbusdan chetda qolgani yo‘q, albatta. Loyiha doirasi Toshloq tumanida 4 gektarga yaqin yer maydonga hudud iqlimiga mos bo‘lgan 2500 tupga yaqin mevali va manzarali daraxt ko‘chatlari ekildi.

Shuni alohida ta’kidlash joizki, ushbu bog‘ga kengash xodimlari tomonidan ekilgan daraxtlarni parvarish qilish va o‘sishini ta’minlashga alohida e’tibor qaratiladi.

O‘zbekiston kasaba uyushmalari Federatsiyasining Farg‘ona viloyati Kengashi.