FARGʻONADA USTOZ VA MURABBIYLAR E’ZOZLANDI

O‘qituvchi va murabbiylar kuni munosabati bilan yurtimizda, xususan, Farg‘ona viloyatida ham bayram tantanalari har yilgidanda ko‘tarinki ruhda o‘tkazildi.

Farg‘ona shahridagi “Jasmin” tantanalar majmuasida sanaga bag‘ishlab bayram tadbiri bo‘lib o‘tdi. Unga viloyatimizning shahar va tumanlarida yosh avlodga ta’lim-tarbiya berib kelayotgan ustoz va murabbiylar, soha faxriylari hamda tajribali o‘qituvchilar vakillari taklif etildilar.

Tantanali tadbirda ishtirok etgan viloyat hokimi Xayrullo Bozorov soha fidoyilarini kasb bayramlari bilan qizg‘in tabrikladi.

Viloyatimizdagi ta’lim sohasida olib borilayotgan ishlarda, erishilayotgan yutuqlarda o‘qituvchi va ustozlarning ulkan hissasi borligini e’tirof etib, ularga minnatdorlik bildirildi.

Tadbirda viloyatimiz ta’lim tizimida samarali faoliyat olib borib, ko‘pchilikka o‘rnak bo‘layotgan o‘qituvchi va murabbiylar, faxriy ustozlarning katta guruhi taqdirlandilar.

Jumladan, viloyat hokimi X.Bozorov hamda O‘zbekiston ta’lim va fan xodimlari kasaba uyushmasining Farg‘ona viloyati bo‘yicha mas’ul tashkilotchisi L.Ahmedovalar O‘zbekiston kasaba uyushmalari Federatsiyasi Farg‘ona viloyati Kengashining 50 nafar faxriy ustozlarga o‘z salomatliklarini tiklashlari uchun Federatsiya tasarrufidagi “Oq tosh”, “Kosonsoy”, “Chimyon” sihatgohlariga bepul yo‘llanmalar sertifikatlarini topshirdilar.

Xushovoz xonandalar va san’atkorlar tomonidan ijro etilgan kuy-qo‘shiqlar barchaga ko‘tarinki kayfiyat ulashdi.

O‘zbekiston kasaba uyushmalari Federatsiyasining Farg‘ona viloyati Kengashi.