“Энг фаол ёш ипакчилик саноати ходими” танлови ўтказилди

ЎзКУФКнинг 2018 йил 06 апрелдаги “Йилнинг энг фаол ёш мутахассиси” танловини ўтказиш ҳамда “Ёш мутахассислар” V республика Форумини ташкил этиш тўғрисида”ги 9-77 “с” қарори ижросини таъминлаш бўйичаЎзбекистон истеъмол товарлари ишлаб чиқариш савдо ва хизмат кўрсатиш ташкилотлари ходимлари касаба уюшмаси Марғилон шаҳар кенгаши томонидан 2018 йил 26 апрель куни Ўзбекистон табиий толалар илмий тадқиқот институти биносида «Энг фаол ёш ипакчилик саноати ходими» танлови ўтказилди. Ўз ташкилотларида ўтказилган танловда ғолибликни қўлга киритган ёш ипакчилик саноати мутаҳассислари Ўзбекистон табиий толалар илмий тадқиқот институти ёш мутахассиси Ахунбобоев Абдухаким, Марғилон СИЛК ВАЦ МЧЖ дан Дадахонова Муяссархон, “Ёдгорлик” МЧЖ касаба уюшмасидан Холматов Ғуломназирлар танловни шаҳар босқичида иштирок этишди.Танлов белгиланган Низом асосида ипакчилик саноати фаол мутахассислари иштирокида ташкиланиб, иштирокчиларнинг махоратлари ташкилий қўмита ва хайъат аъзолари томонидан бахолаб борилди.Танлов якунида Ўзбекистон табиий толалар илмий тадқиқот институтида халқаро тадқиқот ва саноатни ривожлантириш бўлими ходими Ахунбобоев Абдухаким Охунжонович юқори балл кўрсаткичларига эга бўлиб ғолибликни қўлга киритди хамда танловни вилоят босқичига йўлланма олди. “Ёдгорлик” МЧЖ йигирув цехи ишчиси Холматов Ғуломназир иккинчи, Марғилон СИЛК ВАЦ МЧЖ тўқув цехи ишчиси Дадахонова Муяссархон учинчи ўринни эгалладилар. Ғолиблар шаҳар Кенгашининг эсдалик совғалари ва дипломлар билан тақдирландилар.