Болалар соғломлаштириш оромгоҳларида “Янги авлод хавфсизлиги ва саломатлиги” шиори остида тадбирлар ўтказилди

2018-йилнинг 28-29-июнь кунлари Фарғона вилояти “Ниҳол”, “Хумо”, “Коинот” номли болалар соғломлаштириш оромгоҳларида “Бутунжаҳон болалар меҳнатига қарши кураш куни”га бағишлаб, “Янги авлод хавфсизлиги ва саломатлиги” шиори остида касаба уюшмалари ташкилотлари бирлашмаси томонидан тадбир ташкил этилди. Ўтказилган тадбирда спорт соҳасида юқори натижаларни қўлга киритиб келаётган спортчилар, санъат намоёндалари, болалар ёзувчилари ва шоирлари билан учрашувлар бўлиб ўтди.Тадбирда вилоят Касаба уюшмалари ташкилотлари бирлашмаси Кенгаши раиси Э.Нуралиев, Ўзбекистон Касаба уюшмалари Федерацияси вакили З.Қулматов, Қувасой, Фарғона шаҳар хокими ўринбосарлари, хотин-қизлар қўмитаси раислари М.Маткаримова, Д.Ходжаева, Қўқон шаҳар ёшлар масалалари бўйича хоким ўринбосари Я.Расулов, вилоят Маданият бошқармаси бошлиғи ўринбосари Х. Зокиров, Фарғона санъат коллежи тасвирий санъат ўқитувчиси Г.Ахмадалиева, Э.Воҳидов номли ижодкор ёшлар мактаби ўқувчилари ёш ижодкорлар О.Эркинов, Х.Зинатшаев, Қувасой болалар ва ўсмирлар спорт мактаби тренери С.Фозиловалар иштирок этдилар.Тадбир давомида, “Янги авлод хавфсизлиги ва саломатлиги” шиори остида расм чизиш танлови, спорт мусобақалари, рақс, ашула, шеър йўналишлари бўйича кўрик-танловлар ўтказилди.Тадбир якунида барча йўналишлар бўйича ғолиблар Касаба уюшмалари ташкилотлари бирлашмаси Кенгашининг диплом ва эсдалик совғалари билан муносиб тақдирландилар.