Bir guruh faollar taqdirlandi

O‘zbekiston kasaba uyushmalari Federatsiyasi Farg‘ona viloyat Kengashida «Yangi O‘zbekiston – yangi kasaba uyushmalari» shiori ostida tadbir tashkil etildi.

Tadbirda O‘zbekiston kasaba uyushmalari Federatsiyasi Farg‘ona viloyati Kengashi apparati xodimlari, Respublika tarmoq kasaba uyushmalarining viloyatdagi mas’ul rahbarlari hamda yil yakunlari bo‘yicha barcha yo‘nalishlarda yaxshi natijalarni qayd etgan tarmoq kasaba uyushmalarining tuman-shahar kengashi mas’ul xodimlari ishtirok etdi.

Tantanali tadbirda O‘zbekiston kasaba uyushmalari Federatsiyasi Farg‘ona viloyati Kengashi raisi Erkinjon Nuraliyev barchani Yangi yil bayrami bilan tabriklab, o‘z ezgu tilaklarini bildirdi.

Shuningdek, bir guruh faollarga O‘zbekiston kasaba uyushmalari Federatsiyasi Farg‘ona viloyati Kengashining faxriy yorliq va esdalik sovg‘alari tantanali ravishda topshirildi.