Bayram munosabati bilan sport musobaqalari o‘tkazilmoqda

11-noyabr – O‘zbekiston kasaba uyushmalari kuni munosabati bilan Ta’lim va fan xodimlari kasaba uyushmasi Dang‘ara tumani bo‘linmasi kengashi tomonidan “Ahmad Al-Farg‘oniy dam olish uyi”da boshlang‘ich kasaba uyushma tashkilotlari raislari o‘rtasida sport musobaqasi tashkil etildi.

Ishtirokchilar sportning stol tennisi, shashka va shaxmat turlari bo‘yicha bellashdilar. Murosasiz kechgan musobaqada g‘oliblar aniqlanib, kengashning qimmatbaho sovg‘alari bilan taqdirlandilar.

— Shashka va shaxmat o‘ynash sevimli mashg‘ulotim, — deydi shashka musobaqasida g‘oliblikni qo‘lga kiritgan Dang‘ara tumani 13-maktab kasaba uyushma yetakchisi Matlubaxon Ibragimova. — Bu yerda ham bellashidik, ham maroqli dam oldik. Sirasini aytganda, bayram munosabati bilan tashkil etilgan ushbu musobaqa barcha ishtirokchilarga xush kayfiyat bag‘ishladi.

O‘zbekiston kasaba uyushmalari Federatsiyasining Farg‘ona viloyati Kengashi.