Аёллар эъзозда

Мамлакатимизнинг ижтимоий-маънавий, сиёсий-иқтисодий ҳаётининг барча соҳаларида, хусусан, давлат бошқаруви ва вакиллик органларида, ишлаб чиқариш, соғлиқни сақлаш, таълим, маданият, тадбиркорлик ва фермерлик соҳарида фаолият юритаётган ҳамда оилалар мустаҳкамлигини таъминлашда ўз ҳиссасини қўшиб келаётган фаол хотин-қизларни рағбатлантириш, меҳнат фаҳрийларини қўллаб қувватлаш, эҳтиёжманд оилалар нинг аёлларини моддий қўллаб қувватлаш мақсадида 8-март Халқаро хотин–қизлар байрами муносабати билан Фарғона вилояти касаба уюшмалари ташкилотлари томонидан бир қатор ишлар амалга оширилди.

  Вилоятдаги шаҳар ва туманларда “Аёллари қадр топган юрт”, “Муқаддас аёл”, “Устозларга эҳтиром” мавзуларидаги маданий-маърифий тадбирларда 24 мингдан зиёд фаол хотин-қизлар, меҳнат фахрийлари иштирок этишди. Касаба уюшма ташкилотлари томонидан 425 нафар аёллар фахрий ёрлиқ билан тақдирландилар, 5200 нафар фаол аёллар, 780 нафар меҳнат фаҳрийлари моддий рағбатлантирилди, қимматбаҳо совғалар топширилди. Шунингдек, байрам муносабати билан 410 нафар эҳтиёжманд аёллар ҳам моддий рағбатлантирилди, 230 нафар кам таъминланган аёлларга моддий ёрдам берилди. Бунинг учун касаба уюшмалари томонидан 156750,0 минг сўм маблағ сарфланди. Вилоят касаба уюшмалари ташкилотлари бирлашмаси томонидан 40 та эҳтиёжманд оилаларнинг аёлларига, мактабгача таълим муассасаларидан 60 нафар аёлларга Фарғона-Риштон-Қўқон, Қўқон-Марғилон-Фарғона йўналиши бўйича, соғлиқни сақлаш тизимида меҳнат қилаётган фаол аёлларнинг 96 нафарига Фарғона-Риштон-Қўқон-Бувайда йўналиши бўйича саёҳатлар ташкил этилди. Саёҳатларни ташкил этиш учун касаба уюшмалари томонидан 15265,0 минг сўм маблағ сарфланди. Хотин-қизлар байрами муносабати билан 52 та корхона, ташкилот ва муассасаларда аёллар ўртасида спортнинг волейбол, шашка ва стритбол турлари бўйича спорт мусобақалари ўтказилди. Мусобақаларда 2000 дан зиёд хотин–қизлар иштирок этишди.