Akademiyaga qabul boshlandi

Farg‘onada O‘zbekiston kasaba uyushmalari Federatsiyasining Mehnat va ijtimoiy munosabatlar Akademiyasi rahbariyati bilan uchrashuv bo‘lib o‘tdi.

Keng jamoatchilik, kasaba uyushmasi vakillari, akademiyada o‘qish istagidagi yoshlar va ularning ota-onalari ishtirok etgan tadbirda akademiyaning mas’ul xodimlari ishtirokchilarga ta’lim muassasasi haqida ma’lumotlar berdi.

O‘zbekiston Respublikasi Prezidentining “Mehnat va ijtimoiy munosabatlar akademiyasini tashkil etish to‘g‘risida”gi qarori asosida tashkil etilgan ushbu Akademiyada mehnat va ijtimoiy munosabatlar sohasi uchun oliy ma’lumotli, malakali mutaxassislar tayyorlanishi belgilangan.

Uchrashuvda ta’lim muassasasi imkoniyatlari, mavjud ta’lim yo‘nalishlari, 2024-2025 o‘quv yillari uchun kunduzgi va sirtqi ta’limning bakalavr yo‘nalishlari bo‘yicha abituriyentlar qabul qilish tartiblari xususida ma’lumotlar berildi.