Eng yaxshi boshlang‘ich kasaba uyushma tashkiloti aniqlanmoqda

O‘zbekiston kasaba uyushmalari Federatsiyasining Farg‘ona viloyati Kengashi tomonidan 11 noyabr – O‘zbekiston kasaba uyushmalari kuni munosabati bilan “Eng yaxshi boshlang‘ich kasaba uyushma tashkiloti” ko‘rik-tanlovi e’lon qilingan edi.

Faoliyati namunali yo‘lga qo‘yilgan boshlang‘ich kasaba uyushma tashkilotlarini aniqlash hamda rag‘batlantirish, ularning ilg‘or ish tajribalarini ommalashtirish, korxona, tashkilot va muassasalarni ijtimoiy-iqtisodiy rivojlantirishda boshlang‘ich kasaba uyushma tashkilotlarining faol ishtirokini ta’minlash hamda kasaba uyushmalari faollarini, shuningdek, yoshlarni kasaba uyushmalari tashkilotlari faoliyatiga keng jalb etish maqsadida o‘tkazilgan mazkur tanlovning bugun ikkinchi turi bo‘lib o‘tmoqda.

Ya’ni, tanlov Nizomiga muvofiq, birinchi turda g‘olib bo‘lgan ishtirokchilarning faoliyatlari bo‘yicha taqdim etgan hujjatlari tashkiliy qo‘mita tomonidan o‘rganib chiqildi.

Navbatdagi ikkinchi turda ishtirokchilar uchun 20 donadan test savollari berilib, kasaba uyushma faoliyati bo‘yicha bilimlari mustahkamlandi ham yana bir karra sinovdan o‘tkazildi.

O‘zbekiston kasaba uyushmalari Federatsiyasining Farg‘ona viloyati Kengashi raisi o‘rinbosari Orzigul Qozixonova ishtirokchilarga testlarni yechish tartibi va tanlovning keyingi bosqichlari haqida batafsil ma’lumot berdi.

Ishtirokchilarning test savollariga bergan javoblari barchaning ko‘z o‘ngida tekshirilib, natijalar e’lon qilindi.

Ayni paytda ishtirokchilar tanlovning uchunchi bosqichi, ya’ni faoliyatlari bo‘yicha Tashkiliy qo‘mita a’zolariga taqdimotlarini amalga oshirishmoqda.

O‘zbekiston kasaba uyushmalari Federatsiyasining Farg‘ona viloyati Kengashi.