“Rahbar va yoshlar” uchrashuvi

O‘zbekiston kasaba uyushmalari Federatsiyasining Farg‘ona viloyati Kengashi tomonidan Farg‘ona Davlat universitetida “Rahbar va yoshlar” uchrashuvi bo‘lib o‘tdi.

Universitetda tahsil olayotgan 300 nafar talaba yoshlar ishtirok etgan tadbirda kasaba uyushmalarining faoliyati, ishchi-xodimlarni himoya qilish borasida amalga oshirilayotgan amaliy ishlar xususida tushuntirishlar berildi.

Shuningdek, yoshlarni siyosiy jarayonlarga dahldorlik hissini uyg‘otish maqsadida joriy yilning 27 oktyabr sanasida o‘tkazilishi belgilangan Parlament va mahalliy Kengashlar saylovlarini inobatga olib “Saylov huquqingizni bilasizmi?” viktorinasi o‘tkazildi.

Tadbir yakunida MSK raisi Z.Nizamxodjayev hamda O‘zbekiston kasaba uyushmalari Federatsiyasining Farg‘ona viloyati Kengashi raisi E.Nuraliyevlar tomonidan viktorina g‘oliblariga qimmatbaho esdalik sovg‘alari topshirildi.

O‘zbekiston kasaba uyushmalari Federatsiyasining Farg‘ona viloyati Kengashi.