SIHATGOHGA BEPUL YO‘LLANMALAR TOPSHIRILDI

O‘zbekiston kasaba uyushmalari Federatsiyasining Farg‘ona viloyati Kengashi tomonidan Davlat dasturi doirasida Xalqaro xotin-qizlar bayrami arafasida viloyatimizdagi tashkilot va muassasalarda samarali mehnat qilib kelayotgan 3 nafar ayollarga salomatliklarini mustahkamlashlari uchun O‘zbekiston kasaba uyushmalari Federatsiyasi tasarrufidagi «Umid gulshani» sanatoriysiga bepul yo‘llanmalar topshirildi.

Yo‘llanmalar o‘z egalariga topshirilar ekan, kasaba uyushmalarining har bir a’zosini qo‘llab-quvvatlash, g‘amxo‘rlik ko‘rsatish, ijtimoiy himoyalash kabi masalalar doimo kasaba uyushmalarining diqqat markazida ekanligi ta’kidlandi.

Sihatgohga yo‘llanma olganlar qatorida Qo‘qon shahar Obodonlashtirish boshqarmasi ishchisi Sohiba Qobilova, «Madad» davlat muassasasi farroshi Madina Ergasheva, «Argolit» MCHJ ish yurituvchi Madinaxon Jo‘raboyevalar bor.

O‘zbekiston kasaba uyushmalari Federatsiyasining Farg‘ona viloyati Kengashi.