DIQQAT, TANLOV!

O‘zbekiston kasaba uyushmalari Federatsiyasining Farg‘ona viloyati kengashi tomonidan 8 mart – Xalqaro xotin-qizlar kuni munosabati bilan Farg‘ona viloyatida kasaba uyushmalari xizmati tashkil etilgan mehnat jamoalaridagi 15-60 yosh oralig‘idagi ishchi-xodimlar o‘rtasida “Bor mehrim onamga!” shiori ostida ko‘rik-tanlovni e’lon qiladi.

Кo‘rik-tanlov quyidagi nominatsiyalarda o‘tkaziladi:

–  Eng yaxshi bag‘ishlov she’r (elektron yoki video ko‘rinishida);
–  Eng yaxshi bag‘ishlov qo‘shiq;
–  Onalarni ulug‘lovchi eng yaxshi rasm (rang-tavsir);
–  Onalarni ulug‘lovchi eng yaxshi foto;
–  Eng yaxshi dil izhori (video ko‘rinishida);
–  Eng yaxshi videorolik;
–  Eng yaxshi ijodiy ish (maqola, hikoya, esse).

Ko‘rik-tanlovda ijodiy ishlar 2024-yilning 23-fevralidan 3-martigacha +998916588380 telefon nomeridagi telegram orqali qabul qilinadi va rasmiy telegram kanali (https://t.me/kasabafar) orqali yoritib boriladi.

Ishtirokchilarning ijodiy ishlariga 5 mart sanasigacha kuzatuvchilar tomonidan ovoz berish ishlari amalga oshiriladi. Barcha nominatsiyalar bo‘yicha eng ko‘p ovoz to‘plagan ishtirokchi g‘olib bo‘ladi.

G‘oliblar O‘zbekiston kasaba uyushmalari Federatsiyasining Farg‘ona viloyati kengashi tomonidan Xalqaro xotin-qizlar kuni bayrami arafasida tantanali tadbirda munosib taqdirlanadi.

Eslatma:
Ishtirokchilardan ijodiy ishlarni yuborayotganda ish joyi va lavozimini to‘liq yozishi va bog‘lanish uchun telefon nomer ko‘rsatishi zarur.