Faxriylar holidan xabar olindi

Transport, yo‘l va kapital qurilish, qurilish industriyasi xodimlari kasaba uyushmasi Farg‘ona viloyati kengashi tomonidan Vatan himoyachilari kuni munosabati faxriylar holidan xabar olindi.

Abduqobil Kazakov ham uzoq yillar kasaba uyushmalari tizimida mehnat qilib, soha rivojiga ulkan hissa qo‘shgan faxriylardan biri. Faoliyati davomida soha istiqboli uchun bor kuch-g‘ayratini ishga soldi. Mehnati ortidan obro‘, hurmat qozondi. Hozirda nafaqada bo‘lsa-da doimo izzatda.

— Bugungi yo‘qlovdan boshim osmonga yetdi. Kasaba uyushmalarining qo‘liochiq, saxiy insonlari hamisha bor bo‘lsin, — deydi A.Kazakov. — Shunday nufuzli jamoat tashkilotida ishlab hurmat, obro‘ orttirdim. Har kuni gazeta, televizor orqali kasaba uyushmalari tomonidan amalga oshirilayotgan ishlarni ko‘rib quvonaman. Chindan ham kasaba uyushmalari yurt taraqqiyotiga o‘zining ulkan hissasini qo‘shmoqda.

O‘zbekiston kasaba uyushmalari Federatsiyasining Farg‘ona viloyati Kengashi.