«Qor malikasi»ni bolajonlar zavq bilan tomosha qildilar

Bolajonlar Yangi yil bayramini intizorlik bilan kutishadi. Bayramning intiqib kutilishiga sabab turfa xil sovg‘alar bilan bir qatorda teatrlar tomonidan ataylab ular uchun tayyorlanadigan yorqin va rang-barang tomoshalardir.

Shu sababli O‘zbekiston kasaba uyushmalari Federatsiyasining Farg‘ona viloyati Kengashi tomonidan viloyatimizdagi korxona-tashkilot, muassasalarda mehnat qilayotgan ishchi-xodimlarning 350 nafar farzandlari uchun viloyat musiqali drama teatrida Andersen ertaklari asosidagi «Qor malikasi» Yangi yil myuzikli namoyish etildi.

Tomoshabinlarga “Qor malikasi” myuzikli juda yorqin, zamonaviy ko‘rinishlarda va qiziqarli tarzda taqdim etildi. Barcha bolajonlar uni zavq bilan tomosha qildilar.