Уч авлод учрашуви

Тошлоқ туман тиббиёт бирлашмаси ва бирлашманинг касаба уюшмаси қўмитаси томонидан Қувасой шаҳрида жойлашган Аҳмад Ал-Фарғоний дам олиш уйида Хотира ва қадрлаш куни муносабати билан «Ўзбекистон-инсон қадри улуғланган юрт» шиори остида уч авлод учрашуви бўлиб ўтди.

Учрашувда меҳнат фахрийлари ва тиббиёт бирлашмасида фаолият юритиб келаётган шифокор ва ҳамширалар иштирок этди.

Тадбирда туман тиббиёт бирлашмаси бошлиғи А.Шерматов ҳамда Фарғона вилояти Соғлиқни сақлаш  ходимлари касаба уюшмалари кенгаши раиси Ш.Каримова сўзга чиқиб барча фахрийларни байрам билан табрикладилар.

Фахрийларга эсдалик совғалари топширилди ҳамда Тошлоқ туман  тиббиёт бирлашмасида узок йиллар ишлаб вафот этган барча шифокорлар хотирланди.