Бошланғич ташкилотларда спорт мусобақалари

11 ноябрь – Ўзбекистон касаба уюшмалари куни муносабати билан Ўзбекистон тадбиркорлик, бизнес ва хизмат кўрсатиш соҳалари ходимлари касаба уюшмаси Республика кенгашининг вилоятдаги масъул ташкилотчиси томонидан бошланғич ташкилотларда давра суҳбатлари ва спорт мусобақалари ўтказиб келинмоқда.

«Индорама Коканд» текстиль жамоасида ҳам спортнинг волейбол, шашка-шахмат каби турлари бўйича эркаклар ва аёллар ўртасида спорт мусобақалари ташкил этилди.

Унда ишчи-ходимлар фаол иштирок этдилар. Бундай спорт тадбирлари барча ташкилот-корхоналарда давом этмоқда.