Устозлар шарафланди

Риштон туманидаги “Файз” тантаналар мажмуасида туманнинг илғор педагоглари, фан мутахассислари, таълим муассасалари раҳбарлари иштирокида 2022-2023 ўқув йили олдидан Устозлар миллий форуми бўлиб ўтди.

Унда ўткан ўқув йили давомида эришилган натижалар таҳлилий сарҳисоб қилиниши билан бирга, жорий йилда туман халқ таълими соҳаси олдида турган вазифалар белгилаб олинди.

Шунингдек, “Осиё” тўйхонасида туман мактабгача таълим бўлимининг “Янги Ўзбекистонда эл азиз, инсон азиз” шиори остида “Мактабгача таълим сифати: жорий ҳолат ва истиқболдаги вазифалар” мавзусидаги анъанавий август анжумани ҳам ўтказилди.

Тадбирларда давлатимиз раҳбари бошчилигида таълим соҳасида амалга оширилаётган ислоҳотлар, устозларнинг жамиятдаги ўрни, қадр-қимматини юксалтириш борасида олиб борилаётган ишлар моҳиятига алоҳида эътибор қаратилди.

Шунингдек, таълим-тарбия тизимида алоҳида ўрнак кўрсатган, туманда таълим тизимини ривожлантиришга муносиб ҳисса қўшаётган, фаол, ташаббускор ва изланувчан, муносиб натижаларга эришаётган кўплаб таълим фидойиларига Таълим ва фан ходимлари касаба уюшмаси Риштон туман бўлинмаси кенгаши томонидан эсдалик совғалари топширилди.