Спорт-саломатлик гарови

Соғлиқни сақлаш ходимлари касаба уюшмаси Фарғона шаҳар бирлашган қўмитаси томонидан 2018-йил 14-феврал куни Фарғона шаҳар 1-тиббиёт коллежида “Соғлом оила” шиори остида бошланғич ташкилотлар ўртасида оилавий спорт мусобақаси бўлиб ўтди. Мусобақада Фарғона шаҳар кўп тармоқли поликлиника, Вилоят силга қарши курашиш диспансери, Фарғона шаҳар 1-2 тиббиёт коллежлари, Вилоят перинатал маркази, Фарғона шаҳар болалар уйи, Фарғона шаҳар болалар шифохонаси ҳамда Фарғона шаҳар 7-оилавий поликлиниканинг 10 нафар ходимлари ўз оилалари билан иштирок этдилар. Оилалар мусобақани 7 тури “Югуриш, акробатика, тўпни нишонга отиш”, “Чақонлиқ ва мерганлик”, “Моҳир ҳужумчи”, “Қаддимизни ростлаймиз, сакрашни боплаймиз”, “Тезлик эстафетаси”, “Эпчиллик эстафетаси”, “Арқон тортиш мусобақаси”, “Бир жамоа эстафетаси” бўйича беллашдилар. Муросасиз кечган бахсларда юқори балларни қўлга киритган Фарғона шаҳар кўп тармоқли поликлиниканинг ходими бўлган Бегматовлар, Вилоят силга қарши кураш диспансери ходими Ахмедовлар оиласи 1- ўринга лойиқ деб топилди. 2 ўринни Вилоят перинатал марказининг ходими Норматовлар оиласи ҳамда Вилоят силга қарши кураш диспансери ходими Исмоналиевлар оиласи эгаллади. 3-ўрин Фарғона шаҳар 1-тиббиёт коллежи ходими Халиловлар оиласига ҳамда Вилоят перинатал маркази ходими Хошимовлар оиласига насиб қилди. “Ғалабага бўлган интилиши учун” номинациясига Фарғона шаҳар 2-тиббиёт коллежи ходими Рахмоновлар оиласи лойиқ деб топилди. 1-ўринни эгаллаган жамоаларга 2018-йил 19-феврал куни бўлиб ўтадиган шаҳар босқичига йўлланма берилди. Ғолиблар Соғлиқни сақлаш ходимлари касаба уюшмаси Фарғона шаҳар бирлашган қўмитаси томонидан эсталик совғалар ҳамда дипломлар билан тақдирландилар.