Хотин-қизлар – доимий эътиборда

Барча жойда бўлгани каби Фарғона вилоятида ҳам Халқаро хотин-қизлар байрами кенг тантана қилинмоқда. Ҳа, хотин-қизларни эъзозлаш, уларга эҳтиром кўрсатиш халқимизга хос олижаноб қадрият ҳисобланади. Бугунги кунда мамлакатимизда муҳтарам Юртбошимиз раҳнамолигида хотин-қизларнинг қонуний ҳуқуқ ва манфаатларини ҳимоя қилиш, муносиб турмуш тарзини яратиш борасида улкан ислоҳотлар амалга оширилмоқда. Бундай ислоҳотлар ўтказилаётган байрам тантаналарида алоҳида эътироф этилмоқда.

Айём муносабати билан Фарғона вилояти касаба уюшмалари ташкилотлари бирлашмаси ҳамда Ўзбекистон соғлиқни сақлаш ходимлари касаба уюшмалари Фарғона вилояти Кенгаши томонидан 8-март Хотин-қизлар байрамини кенг нишонламоқда.

Бугун Ўзбекистон туманидаги Қудаш “Мурувват” ногиронлар учун аёллар интернат уйида ташкил этилган тадбирда ҳам аёлларни қўллаб-қувватлаш, уларнинг муаммоларини ижобий ҳал этиш каби масалалар ҳақида тўхталиб ўтилди.

Байрамона ташкил этилган тадбирда мурувват уйида яшовчи барча аёлларга Вилоят ҳокимлиги, вилоят касаба уюшмалари ташкилотлари бирлашмаси ва Ўзбекистон тумани ҳокимлигининг совғалари топширилиб, маданий дастур ташкил қилинди.

Қудаш “Мурувват” ногиронлар учун аёллар мурувват уйида ташкил этилган тадбир юқори савияда ўтказилиб, хотин-қизлар бундай эътибордан хурсанд бўлишди.

Жойларда байрам тадбирлари давом этмоқда.

Фарғона вилояти касаба уюшмалари ташкилотлари бирлашмаси