Ёдда қоларли тадбир

Ўзбекистон давлат муассасалари ва жамоат хизмати ходимлари касаба уюшмаси Фарғона вилояти кенгаши ҳамкорлигида Аҳмад Фарғоний номидаги Фарғона вилоят ахборот-кутубхона марказида Халқаро болаларни ҳимоя қилиш куни муносабати билан тадбир ташкил этилди.

Тадбирда кутубхона ходимларининг фарзандлари, Фарғона шаҳар 38-мактабгача таълим ташкилоти тарбияланувчилари ҳамда “Бусинка” хусусий мактабгача таълим ташкилоти тарбияланувчилари иштирок этдилар.
 
Тадбирда “Зумрад ва Қиммат” эртагининг замонавий кўриниши кутубхона ходимлари томонидан моҳирона намойиш этилди.
 
Якунда тадбир ташкилотчилари томонидан иштирокчилар ҳамда кутубхона ходимларининг фарзандларига байрам совғалари топширилди.