ЭНГ НАМУНАЛИ БОШЛАНFИЧ ТАШКИЛОТ АНИҚЛАНДИ

Қувасой шаҳридаги “Аҳмад Ал-Фарғоний” дам олиш уйида Ўзбекистон таълим ва фан ходимлари касаба уюшмаси тармоғи тасарруфидаги ташкилот ва муассасалар ўртасида «Энг намунали бошланғич ташкилот» кўрик-танловининг вилоят босқичи бўлиб ўтди.

Бошланғич ташкилотлар фаолиятини қўллаб-қувватлаш ва рағбатлантириш, уларнинг фаоллигини ошириш, илғор иш тажрибаларини оммалаштириш мақсадида ўтказилган танловнинг вилоят босқичида туман-шаҳар босқичида ғолиб бўлган бошланғич ташкилотлар раислари иштирок этиб, ҳужжатлар тақдим этилган ҳолда белгиланган меъзон асосида ғолиблик учун ўзаро баҳс олиб бордилар.

Танловнинг якуний натижаларига кўра, касаба уюшма аъзолари 100 нафаргача бўлган бошланғич ташкилотлар ўртасида Риштон туманидаги 14-умумий ўрта таълим мактаби бошланғич касаба уюшма ташкилоти, касаба уюшма аъзолари 100 нафардан зиёд бўлган бошланғич ташкилотлар ўртасида Олтиариқ туманидаги 39-умумий ўрта таълим мактаби бошланғич касаба уюшма ташкилоти ғолиб деб топилди.

Якунда Ўзбекистон таълим ва фан ходимлари касаба уюшмаси Республика кенгашининг Фарғона вилояти бўйича масъул ташкилотчиси Лолахон Аҳмедова томонидан ғолиб ва совриндорларга диплом ҳамда эсдалик совғалари топширилди.