ФАРҒОНА ВИЛОЯТИДА “АЁЛЛАР ДАФТАРИ”НИНГ 3-БОСҚИЧИ ДОИРАСИДА 75 МИНГ НАФАРДАН ЗИЁД ХОТИН-ҚИЗЛАРГА АМАЛИЙ ЁРДАМ КЎРСАТИЛДИ

“Аёллар дафтари” билан ишлаш тизимининг 3-босқичини ташкил этиш ва амалга ошириш бўйича Фарғона вилоятидаги 30 ёшдан юқори бўлган 770 минг 150 нафар аёллар хатловдан ўтказилиб, 79 минг 463 нафар хотин-қизлар “Аёллар дафтари”га киритилган.

2022 йил 20 октябрь ҳолатига олинган маълумотларга асосан, “Аёллар дафтари”га киритилган хотин-қизларнинг 75 минг 541 нафарига ёки 95 фоизига амалий ёрдам берилди.

Тоифалар кесимида олиб қараганда:

Ижтимоий ҳимояга муҳтож ишсиз 24 минг 595 нафари (99 %)га амалий ёрдам берилган бўлиб, уларга 4 миллиард 134 миллион сўм маблағ сарфланди.

Хусусан, доимий иш ўрнига эга бўлган аёллар сони 19 минг 748 нафарни, вақтинчалик жамоат ишларига жалб этилганлар сони 2 минг 818 нафарни, касб-ҳунарга ўқитилганлар 1 минг 666 нафарни, ишсизлик нафақасини олганлар 11 нафарни, аёллар тадбиркорлигига кўмаклашиш, “Аёллар дафтари” ва бошқа жамғармалардан субсидия олганлар 352 нафарни ташкил қилди.

Тадбиркорлик қилиш истагида бўлган 3 минг 268 нафар хотин-қизлардан 3 минг 231 нафари (99 %) фоизига амалий ёрдам берилган бўлиб, 33 миллиард 76 миллион сўм маблағ сарфланган.

Жумладан, Халқ банки томонидан 1222 нафар хотин-қизларга 13 миллиард 780 миллион сўм, Агробанк томонидан 1481 нафарига 15 миллиард 887 миллион сўм, Микрокредитбанк томонидан 423 нафарига 2 миллиард 886 миллион сўм имтиёзли кредит маблағи ажратилган.

Боқувчиси бўлмаган, Ижтимоий ёрдамга муҳтож I ва II гуруҳ ногиронлиги бўлган ва Қарамоғида ногиронлиги бўлган фарзанди мавжуд хотин-қизларнинг 44 минг 693 нафарига 48 миллиард 105 миллион сўмлик бир марталик моддий ёрдам маблағи берилди.

Уй-жой таъмирига муҳтож 305 нафар хотин-қизларнинг хонадонини таъмирлаш учун 2 миллиард 55 миллион сўм маблағ сарфланди.

Уй-жойга муҳтож бўлган хотин-қизларнинг 659 нафари 3 миллиард 913 миллион сўм эвазига уй-жой билан таъминланган бўлса, 1082 нафар хотин-қизларни турар-жойлари учун 1 миллиард 247 миллион сўм маблағ сарфланди.

Шунингдек, хотин-қизларга тиббий ёрдам кўрсатиш учун 2 миллиард 761 миллион, қўшимча ёрдамлар учун 824 миллион сўм маблағ сарфланди.