Олийгохда оромгоҳ ташкил этилди

Жорий йилнинг 16 июль куни Фарғона политехника институтида “PICAMP” болалар интеллектуал ривожлантириш ва соғломлаштириш оромгоҳининг очилиш маросими бўлиб ўтди. Оромгоҳнинг  очилишида институт раҳбарияти, ишчи-ходимлар ва ота-оналар иштирок этдилар.Айни пайтда мазкур оромгоҳда институт ишчи-ходимларининг  110 нафар ўғил-қиз мириқиб ҳордиқ чиқармоқда. Бу ерда ҳар бир боланинг вақти унумли ўтишини таъминлаш учун махсус режалар ишлаб чиқилган. Ўғил-қизлар оромгоҳда дам олиш билан бирга, тўгаракларда хорижий тиллар ва интеллектуал салохиятларини оширадилар.Албатта, болажонларнинг ҳордиқ чиқаришлари учун барча қулай шароитлар яратилган. Шинам ётоқхона, чўмилиш ҳавзалари, спорт майдончалари, замонавий тўгарак хоналари болажонлар ихтиёрида.Аҳамиятли жиҳати, институт раҳбарияти ташаббуси билан Фарғона шаҳридаги эҳтиёжманд, кам таъминланган оила  фарзандларининг 20 нафари оромгоҳда бепул дам олдирилмоқда. Болажонлар бу ерда қизиқишларига қараб мусиқа, рассомчилик, дизайнерлик, роботатехника, математика, инглиз тили, рус тили, спорт тўгаракларида ўз билим ва кўникмаларини ошириб борадилар. Қолаверса, ўтказилаётган тадбирлар, таълим-тарбия жараёнлари ёш авлоднинг дунёқарашини бойитишга, ижодий қобилиятларини шакллантиришга, уларни ҳар томонлама камол топишига, интеллектуал салоҳиятини оширига хизмат қилаётир.