«Коинот»бағрида

Айни пайтда Қўқон шаҳридаги «Коинот» болалар оромгоҳида 230 нафар болажонлар мароқли дам олмоқдалар.

Таътилнинг ёдда қоларли бўлиши учун қизиқарли маданий-маърифий ҳамда спорт тадбирлари ўтказилиши билан бирга, таниқли ижодкорлар билан учрашувлар, турли танловлар ҳам ташкил этилмоқда.

Хусусан, режа бўйича оромгоҳда ёшларни ватанпарварлик руҳида тарбиялаш мақсадида театр томошалари ташкил этилди. Унда ёвузлик устидан яхшилик ҳамиша ғолиб чиқиши бош шиор бўлиб, болажонларга савоб ишларни бажаришга даъват этилди.