БИР ГУРУҲ АЁЛЛАРНИНГ ТОШКЕНТГА САЁҲАТИ УЮШТИРИЛДИ

Ўзбекистон касаба уюшмалари Федерацияси Фарғона вилояти кенгаши ташаббуси билан вилоят маҳаллаларидаги хотин-қизлар фаоллари ҳамда «Оқила аёллар»  ҳаракати аъзоларининг 50 нафарининг Тошкент шаҳрига саёҳати уюштирилди.

Саёҳатчиларни Марғилон темир йўл вокзалидан Ўзбекистон касаба уюшмалари Федерацияси Фарғона вилояти кенгаши бўлим мудири Ғ.Пайзиев кузатиб, уларга оқ йўл тилаш билан бирга, мароқли дам олишларини тилади.

Саёҳатчилар 2 кун давомида пойтахтимиздаги диққатга сазовор жойлар, хусусан, «Ғалаба боғи» ёдгорлик мажмуаси, «Magic City» кўнгилочар боғи, «Tashkent City» ҳамда «Янги Ўзбекистон» боғи билан танишишади.